सिमकोट । कोरोना भाइरस (कोभिड १९) को संक्रमणको संख्या देशभर बढ्दै गएपछि नेपाली हिन्दु नारीहरुको महना चार्ड तीज कोठामा सिमित भएको बेला हिमाली जिल्ला हुम्लाका महिलाले धुमधामका साथ मनाएका छन् ।
कोरोना संक्रमणको संख्या सुन्य भएको हुम्लाका नारीहरुलाई कोरोना त्रासले नछोएपछि विगतका वर्ष झैं यो वर्षपनि आज बिहानै देखि धुमधामका साथ मनाएका छन् । जिल्लाका महिलाहरुले स्थानीय स्तरमा भएका शिवालयमा गएर तामझामका साथ तीज मनाएका हुन् । आज बिहानै देखि शिव मन्दिरमा हुल बाँधेर गएका सदरमुकाम सिमकोटमा भएका हिन्दु महिलाहरुले महिलाहरुले नाचगान र पुजाआजाका साथ तीज मनाएका छन् । देशका अधिकांश क्षेत्रमा निषेधाज्ञा जारी भएका बेला हुम्लाका महिलाहरुले विभिन्न बस्तीबाट नाचगान गर्दै मन्दिरमा गएर धुमधामसँग तीजको रमाइलो गरेका छन् ।
.jpg)
आप्mना पतिको दिर्घायूको कामना गर्दै बिहानै देखि ब्रत बजेका महिलाहरुले सिमकोटको खाद्यक गाउँ नजिकै भएको शिव मन्दिरमा पूजाआजा गरेर धुमधामका साथ मनाएका छन् ।
.jpg)
कोरोना संक्रमणको संख्या सुन्य भएर सकारले नैं हुम्लालाई कोरोना संक्रमणको दृष्टिले ग्रीनजोनका रुपमा राखिएकाले पनि हुम्लाका महिलाले यो वर्षको तीज विगतका वर्ष झैं तामझामका साथ मनाएको सिमकोट ५ की शुसिला रोकायाले जानकारी दिइन् । विगतका वर्ष भन्दा शिव मन्दिरमा पुजा गर्न जानेको भिंड यो वर्ष धन धेरै देखियो, उनले नेपालबोटसँग भनिन्, ग्रीनजोनका रुपमा रहेको हुम्लाका संक्रमितको संख्या पनि नभएको र कोरोनादेखि जिल्लाका नागरिकमा खासै त्रास पनि नभएकाले तीज मनाउन कुनै बाधा नभएको हो ।
.jpg)
बिहान सात बजेदेखि नैं शिव मन्दिरमा पुजाआज गर्न आउने महिलाको भिंड लागेको शिव मन्दिरका पुजारी गोविन्द प्रसाद उपाध्ययले बताए । ठूलै हुलमा आएका महिलाहरुले बिहानै देखि नाचगान गरेको उल्लेख गरेका उपाध्ययले कसैमा पनि कोरोना भाइरसको त्रास नदेखिएको उल्लेख गरे । तर पुजाआजका लागि शिव मन्दिर पुगेकी स्थानीय दिपकला भण्डारीले भौतिक उपस्थिती विगतका वर्ष जस्तै भएपनि मानसिक रुपमा त्रास कायमै रहेको उल्लेख गरिन् ।
.jpg)
आप्ना श्रीमानको दिर्घायुको कामना गर्दै निराहार वर्त बसेकाले साथीहरुसँग पुजाआजाका लागि मन्दिरमा गएको उल्लेख गरेकी भण्डारीले गएका वर्ष झैं मनैदेखि खुलेर नाचागान नगरेको प्रतिक्रिया दिइन् ।
.jpg)
