सिमकोट । हुम्लामा हिमाली जिल्ला हुम्लामा नेपाल प्रहरीले ठुलो परिणामको चिनीया मदिरा (झिनीगिन्टी) बरामद गरेर नष्ट गरेको छ । जिल्लाको खार्पुनाथ गाउँपालिकामा रहेको खार्पु प्रहरी चौकीले राती तीन बजेको समयमा गाउँभित्रदै गरेको एक सय दश कार्टुन बरामद गरेको हो ।
व्यापारिक परियोजनका लागि गाउँ ल्याइएको अवैध ठूलो परिणामको चिनायाँ मदिरा प्रहरीले बरामद गरेको जिल्ला प्रहरी कार्यालय हुम्लाका प्रहरी नायव उपरिक्षक सूर्यप्रकास सुवेदीले जानकारी दिनुभयो । एक कार्टुनमा १२ बोतल झिनिगिन्टी हुनेभएकाले एक सय दश कार्टुनमा एक हजार तीय बोतल राती बरामद गरेर सोमबार विहान जनप्रतिनिधि, आफु सहित अन्य प्रहरी लगायतको रोबहरमा नष्ट गरीएको प्रहरी नायव उपरिक्षक सुवेदीले जानकारी दिनुभयो ।
जिल्ला प्रहरी कार्यालय हुम्लाका प्रमुख सुवेदीले भन्नुभयो, ‘आफु जिल्ला प्रहरी कार्यालय सिमकोटबाट गएर खार्पु प्रहरीचौकीले नियन्त्रणमा लिएको चिनीया मदिरा (झिनीगिन्टी) सबैको रोबहरमा प्रहरीचौकी नजिक नै नष्ट गरीएको छ’ । एक बोतल चिनीया मदिराको हुम्लामा रु आठ सयमा विक्री हुनेभएकाले एक हजार तीन सय बोतलको रु दश लाख चालीस हजार मुल्य बराबरको ठूलो परिणामको मदिरा बरामद भएर नष्ट गरीएको हो ।
झिनिगिन्टी नामक उक्त मदिरा केही समय पहिला हुम्ला ल्याइएर लुकाइएको थियो । ‘मदिरा पहिले नै ल्याइएर लुकाइ राखिएको रहेछ,’ उहाँले भन्नुभयो, ‘अहिले व्यापारिक परियोजनाका लागि व्यवसायीसम्म पुर्याउँदै गर्दा थाहा भयो ।’ यस विषयमा थप अनुसन्धान भइरहेको प्रहरीले जनाएको छ । नेपाल र चीनको सिमानाका बन्द भएपनि लुकिछिपी गाउँघरमा चिनीय मदिरा पाइने गरेको छ ।
