चैत्र १२, अमेरीका ।नेकपा अध्यक्ष तथा पूर्व प्रधानमन्त्री पुष्पकमल दाहाल प्रचण्डकी पत्नी सीता दाहालको अमेरिकामा उपचार प्रक्रिया सकिएको छ । एक साता अघि उपचारको लागि अमेरीका पुगेका दाहाल परिवार पत्नी सीताको उपचारका लागि अमेरिका आइपुगेका थिए ।
मेरिल्याण्ड राज्यमा रहेको जोन हप्किन्समा स्वास्थ्य परिक्षणपछि थप उपचारका लागि जर्जटाउन यूनिभर्सिटीमा पुराइएको राजदूत डाक्टर अर्जुन कार्कीले जानकारी दिए । उहाँका अनुसार दाहाल पत्नी सीताको जोन हप्किन्स अस्पताल र जर्जटाउन यूनिभर्सिटी मेडिकल सेन्टरमा स्वास्थ्य परिक्षण गरिएको बताए । बंशानुगत पार्किन्सन रोगबाट ग्रसित सीताको स्वास्थ्य परिक्षणपछि यहाँका चिकित्सकहरुले समेत उनलाई सोही रोग रहेको निर्क्यौल गरेका छन् । चिकित्सकले स्वास्थ्य परीक्षण जारी राख्न भन्दै औषधि दिएका छन् ।
सीताको उपचारको सबै समन्वय वासिङटन डिसी स्थित नेपाली राजदुतावासले गरेको थियो । उपचार प्रक्रिया सकिएकाले पुर्व प्रधानमन्त्री समेत रहेका नेकपा अध्यक्ष दाहाल, पत्नी सीता, छोरी गंगा र नर्स अम्बिका पुडासैनी, बिहिवार नेपाल पुग्ने गरी स्वदेश फर्कने कार्यक्रम रहेको छ ।
.jpg)
.jpg)
.jpg)
