सिमकोट । जिल्लाको फुटबल खेलको वृद्धी र विकासका लागि दर्ता भएको हुम्ला फुटवल एकेडेमीको अध्यक्षमापर्यटन व्यवसायी विष्णु रावत निर्वाचित भएका छन् ।
लामो समयदेखि बाँकेको नेपालगञ्जमा रहेर पर्यटकन क्षेत्रमा संलग्न रावतल एकेडेमीको अध्यक्षमा निर्विरोध निर्वाचित भएका हुन् ।
पछिल्लो समय यूवापुस्तामा लोकप्रीय बन्दे गएपछि फुटबल खेलको व्यवस्थित हुन नसकेको बेला त्यसलाई थप व्यवस्थित रुपमा अघि बढाउने ध्येयले स्थापना भएको एकेडेमीको नेतृत्व सिमकोट गाउँपालिका वडा नम्बर ५ निवासी रावतले लिएको बताइएको छ ।
कर्णाली अञ्चलका सबै जिल्लालाई कार्यक्षेत्रका रुपमा राख्ने उद्देश्यले दर्ता भएको एकेडेमीको उपाध्यक्षमा प्रिती रावत, सचिवमा बुद्धि रोकाया र सदस्यमा रबिनकुमार बस्नेत निर्वाचि भएको ऐकेडेमीका नवनिर्वाचित अध्यक्ष रावतलेजानकारी दिए ।
'कर्णाली अञ्चलका पाँच वटै जिल्लामा फुटबल खेललाई व्यावसायिक रुपमा अघि बढाउन हेतुले शुरु भएको एकेडेमीले फुटवल खेलमा तालिम प्रदान गर्ने, प्रतियोगिताका आयोजना गर्ने काम ऐकेडेमीले गर्नेछ', अध्यक्ष रावतले नेपालबोटसँग भने, 'यसका लागि एन्फा अध्यक्षसँग मौखिक सहमति भई सकेको र अबको केहि दिनमा लिखित सहमति गरेर काम अगाडी बढाउने तयारी भई रहेको छ ।'
एकेडेमीको दर्ता भएसँग कर्णालीमा अखिल नेपाल फुटवल संघ गठनको बाटो पनि खुलेको उल्लेख गरेका रावतले फुटवल खेलको वृद्धि र विकासका लागि सबैसँग हातेमालो गर्ने प्रतिवद्धता व्यक्त गरे ।
