सुर्खेत । विवादित नेपल कम्युनिस्ट पार्टीका अध्यक्ष केपी शर्मा ओलीको कित्ता परिवर्तन गरेर प्रचण्ड-नेपाल समुहमा परिवर्तन गर्न तयार भएका कर्णाली प्रदेश उद्योग, पर्यटन तथा वन मन्त्री नन्दसिंह बुढा अन्तिममा हच्किएका छन् ।
मन्त्री बुढा, प्रदेश सांसद पदम रोकाया र हुम्लाका केही जिल्ला नेतासहित प्रचण्ड-नेपालसमुहमा प्रवेश गर्न पेरिस डाँडा पुगेका कर्णाली प्रदेश सरकारका सामाजिक विकास मन्त्री दल रावल पेरिस डाँडापुग्दा पनि मन्त्री बुढा नआएपछि अन्तिममा विज्ञप्ती परिवर्तन भएको छ ।
केही साताअघि पार्टीको कित्ता परिवर्तनमा लागेका मन्त्री रावल र बुढासहितको टोली मध्ये बानेश्वरमा बसेर कित्ता परिवर्तन गर्ने तय भएको थियो ।
अन्तिम निर्णय गरेर कित्ता परिवर्तनको विज्ञप्ती तयार पार्न जावलाखेलको एक रेष्टुरेण्टमा प्रचण्ड नेपाल समुहका स्थायी कमिटि सदस्य जनार्दन शर्माको उपस्थितीमा विज्ञप्ती तयार पारेपनि अन्तिममा उद्योग, पर्यटन तथा वन मन्त्री बुढा नआएपछि सामाजिक विकास मन्त्री दल रावलले हुम्लाको छुट्टै विज्ञप्ती तयार पार्दै प्रचण्ड-नेपाल समुहलाई समर्थन गरेका छन् ।
