सुर्खेत । सामाजिक विकास मन्त्री दल रावल प्रधानमन्त्री केपी शर्मा ओलीको कित्ता परिवर्तन गरेर प्रचण्ड नेपाल समुहमा प्रवेश गर्न जिल्लाका नेता तथा कार्यकर्ता लिएर पेरिसडाँडा पुगेका छन् ।
प्रदेश सांसद हुँदै प्रदेश मन्त्रीसम्म ओलीकै कित्ताबाट अघि बढेका रावल हुम्लाका केही जिल्ला स्तरका नेताहरुलाई लिएर पेरिसडाँडा पुगेका हुन् ।
प्रदेश सरकारको मन्त्री पद जोगाउन कित्ता परिवर्तन गरेका रावलले ओली कित्तामा रहेका शिवराज शर्मा, ज्ञामी बुमी, पुर्णप्रसाद ढकाल, सर्केघार्ड गाउँपालिकाका उपाध्यक्ष जोशी धामीसहितका नेता लिएर पार्टी कार्यालय पेरिसडाँडा पुगेका हुन् ।
आइतबार बिहानैदेखि मध्ये बानेश्वरको एक होटेलमा भएको भेटमा पार्टीकोे कित्ता परिवर्तनमा तय भएपछि मन्त्री रावल प्रदेश सांसद पदम रोकायासहित पार्टी कार्यालय पुगेका हुन् ।
को को ले कित्ता परिवर्तन गरे हेर्नुहोस्
