सुर्खेत । सरकारकै विरुद्धमा भैरहेको आमहड्तालमा सरकारकै प्रमुख सडकमा गएको कुरा सुन्दा तपाईहरुलाई निकै अचम्म लाग्ला । तर अचम्म नमान्नुहोस् यस्तो दृश्य नेपालमा आज अर्थात माघ २२ गते देखिएको छ ।
विवादित नेपाल कम्युनिस्ट पार्टी (नेकपा) को दाहाल नेपाल समुहले आयोजना गरेको सरकार विरोधी आम हड्ताललाईसाथ दन कर्णाली प्रलदेश सरकारका प्रमुख समेत रहेका मुख्यमन्त्री महेन्द्रबहादुर शाही प्रदेश सरकारका मन्त्रीको हुल लिएर सरकार बिरोधी आमहड्तालमा सडकमा निस्कीएका छन् ।
नेकपा दाहाल-नेपाल समूहले जारी राखेको आमहड्ताललाई सफल बनाउन भन्दै मुख्यमन्त्री शाही, भूमि व्यवस्था कृषि तथा सहकारी मन्त्री विमला केसी, उद्योग, पर्यटन, वन तथा वातावरण मन्त्री नन्दसिंह बुढासहितको टोली सरकार विरोधी आन्दोलन गर्न सडकमा उत्रिएको हो ।
कर्णाली प्रदेशको राजधानी सुर्खेतको मंगलगढी चौकमा सञ्चारर्मीहरुसँग कुराकानी गर्दै मुख्यमन्त्री महेन्द्रबहादुर शाहीले प्रधानमन्त्री केपी शर्मा ओलीको असंवैधानिक कमदका विरुद्ध सडकमा आउनु परेको प्रतिक्रिया दिएका छन्।
असंवैधानिक रुपमा गरिएको प्रतिनिधिसभा विघटन तथा संवैधानिक निकायमा गरिएको गैरकानुनी नियुक्तिको विरुद्ध आन्दोलन गर्नुपरेको मुख्यमन्त्री शाहीले बताए।
सरकारले नागरिकलाई हुने सास्ती र पिडाबाट बचाउन सामाजिक सुरक्षा प्रदान गर्नुमा कर्णाली प्रदेश सरकारका प्रमुख र मन्त्री नैं आमहड्तालको नेतृत्व गरेर सडकमा जानुलाई अर्थपूर्ण रुपमा हेरिएको छ ।
