सिमकोट । राष्ट्रिय सडक सञ्जालमा नजोडिएको हिमाली जिल्ला हुम्लाको सदरमुकाम सिमकोटको बुराउँसे गाउँकामा खाद्यन्नको चामल ढुवानी गरिरहेको ट्रयाक्टर दुर्घटना हुँदा एक महिलाको ज्यान गएको छ ।
लु.अ.अ.भ १०१४ नम्बरको ट्याक्टरबाट खसेर सिमकोट गाउँपालिका- ४ बुराउँसे गाउँकी अन्दाजि वर्ष २८ की उपाल लामाको घटना स्थलमै मृत्यु भएको छ ।
मंगलबार दिनको साढे ५ वजे तिर बुराउँसे गाउँका लागी चामल लिएर जाने क्रममा सिमकोट गाउँ पालिका- ४ र ६ को सिमानामा रहेको हुमाने खोलामा गुडी रहेको ट्याक्टरबाट खसेर निज लामाको मृत्यु भएको जिल्ला प्रहरी कार्यालय हुम्लाले बताएको छ ।
चामल बोकेको ट्याक्टरको पछाडी बसेकी लामाको खसेर मृत्यु भएको हो ।
